روح الحزن

حرام تنزع من خفوقي محبتك

أصلا ً ولا تقدر تغير شعوري

لا لا تبين لي غرورك وقسوتك

صعبة عليك اليوم تلغي حضوري

هذي حروف الشعر من خافقي جتك

ترسم معاناتي وتشرح سطوري

أبيك تذكر لو مع الطيف مرتك

ماكان به غيرك يرضي غروري .!

أبيك تذكر كم من الوقت ضمتك

أيدين من كنت أبحياته ضروري

وأبيك تذكر روح هامت وسمتك

( نبض الخفوق ) وجنته مع سروري

وأبيك تذكر فرحتي يوم طلتك

تزهر حياتي ياحياتي ونوري

وأبيك تذكر حب روح ٍ تمنتك

صديتها عنك .ولا فــــاد جوري

وأبيك تذكر جرح قلبي وزلتك

يوم ٍ رحلت وشلون ألغيت دوري

وأبيك تذكر قو قلبك وصدتك

وكيف أنتزاع القلب بقصى جذوري

وأبيك تذكر دمع من عين هلتك

تبكي عزا قلب ٍ يمــوت أمغدوري

هذا قدر روح ٍ من الهجر ملتك

هذا النصيب وسامح الله شعوري

تعال ونزع من خفوقي محبتك

تقدر ولكن صعب تلغي حضوري